ما تبي مِنْ حَدٍ شي
للشاعر/ بدر بن خرفاش السبيعي
وانفس ياللي ماتبي من حدٍ شـي ولا تبي بـذر الجمـالات فيهـا
لو كان ماتملك جنيهات وحلـي
مقتنعـة ن باللـي تطولـه يديهـا
تسعى لعفو الواحد الباقي الحـي
تصبح على الطاعة وتمسي عليها
ماعاشقت دنيـاٍ مسراتهـا زي
وسمية ن صلـف الهـوا مقتفيهـا
لعل ينجيهـا مـن النـار للفـي
اللي رجاها بـه ولا يرتجيهـا
... ... ... ... ... ... ...
... ... ... ... ... ... ... ... ... ... ... ... ... ... ...
... ... ... ... ... ... ...
عِز نفسِك
للشاعر/ بدر بن خرفاش السبيعي
يبحل العاقل بعرفه مع النـاس الغشـمبالسـلام يـرد لا خاطبـوه الجهـلـي
فالتجارب عبرة لمن يشـوف ويفتهـم
والعقول ووزونها فـي يديـن المعتلـي
من عسف نفسه على طاعة الله استقم
ومن تبع نفسه تزجه من أعلى لأسفلي
فكان تبغى الخير للفرض يابن آدم اقـم
بخشـوع الخاضـع الزاهـد المتذللـي
وعن طريقٍ ن حرمه خالقك شِم واحتشـم
مرقب العليا عسيرٍ على مـن يكسلـي
ولا تعجَّب لو زمانك على كبدك وسـم
دبرت اللي يدبـرك والزمـن متحولـي
ولا ترجَّى راعي المال لو عرشه عَظَـم
الأجل محتوم والـرزق كافلـه الولـي
الله الرزاق وان جتك فرصـه فاغتنـم
السماء لو أسبلت بالذهب مـا تسبلـي
وميز اللي يحقرك والذي لـك يحتـرم
وعامل اللي يعاملك بالذي لـك يعملـي
فلو تساوي مثل نار الغضى نار الفحـم
كنك اللـي فالطلـي بالبعيـر مبدلـي
ولو تقدم للعرب من لحم جوفـك لحـم
ما تحصل في كثيـر العـرب متجملـي
صنعة المعروف فاللاش ناتجها النـدم
مالها في ضرب الأمثال يالطيـب حلـي
غير من ضيع نهاره يحاكي لـه أصـم
هل على هذا مشاريه يالرجـل الشلـي
عز نفسك عن طواريق مهفيـن الذمـم
لا ظلال بشجـرة الحنظلـه أو مأكلـي
رافق اللي لو يوقف زمانك لك خصـم
كرّس جهوده وهمـك بقلبـه يصطلـي
والرجل يكظم بصدره على جرح ابن عم
مايخلـي بينهـم للمعـادي مدخـلـي
ولا تفيض حدود فيض المحاجر من عدم
مايفيـض الحاجـر إلا وحَـدِّه ممتلـي
... ... ... ... ... ... ...
... ... ... ... ... ... ... ... ... ... ... ... ... ... ...
... ... ... ... ... ... ...
ابن عمـــــــــــــكللشاعر / عبدالله بن علوش
ابن عمك لا زعلك شرّه عليه
يقنعك بالحق و الا تقنعه
انشده وش جاه و الا ويش فيه
انشده ولا تقاطعه اسمعه
حتى لو انه المخطي .. ما عليه
مشّها مادامها تمشي معه
و كانك المخطي وهو رايه وجيه
اصمت و لو يوجعك لا توجعه
وكان قصّر وانت عادك ترتجيه
لا تقصر فيه لا جاك انفعه
ساسه الطيِّب على الطيب يحديه
ياصلك حتى لو انك تقطعه
وان بلاك الله برجال سفيه
روح فـسناعك وخله في سنعه
صد عن وجهه على شان الوجيه
من ضياق الجهل الى عقل السعه
... ... ... ... ... ... ...
... ... ... ... ... ... ... ... ... ... ... ... ... ... ...
... ... ... ... ... ... ...
القروم قرومللشاعر/ حامد زيد
تعودنا على حمل الجمايل و الزعل و اللوم
ولا نرفض عتب غالي ولا نزعل من جداله
تمنينا نحوز اغلى مكانه في وجيه القوم
ونعيش الخوه بوقت يضد رجاله رجاله
تعلمنا من الدنيا وزدنا للعلوم اعلوم
وسقنا للدروب قلوب رجليه وخياله
وقفنا للزمن وقفة شجاعه والقروم قروم
الين ان صار واحدنا بديل اقواله افعاله
الى منه خذا ياخذ مثل ماياخذ المحروم
والي منه عطا يعطي ولو من لقمة اعياله
ولا بتنا ولو باتت رحايلنا بدون عزوم
نساوم للفخر بارضه ولو بأي من اشكاله
ولا عفنا ولو شفنا على باب النهار سموم
ولا خفنا ولو طفنا بمخراجه ومدخاله
واذا شفنا عناقيد العنب فوق الشجر ملموم
نهز غصون عنقوده واذا ماطاح نرقا له
نصبر بعضنا بالكذب الابيض والهدف معدوم
ونقول انا وصلنا له لو انا ما وصلنا له
وانا واحد من اصغرهم طموح وللطموح رسوم
على وجهي مثل قوله بغى شي ولا ناله
عطيت ولا رضيت اخذ من سلوم البخيل سلوم
ولا عمري رضيت اقعد على قلب العرب عاله
ولا ارضى بالفخر فزعه وجواسيس وكلام رخوم
ولا عمري حنيت الوجه بعد المجد لحثاله
غناي الله وانا رجل عزيز مقدر محشوم
قنوع بالقدر وان قلت فال الله ولا فاله
بسيط ن يرمي حموله على متن الجبال هموم
بوقت ن للاسف عيت تطيق همومه جباله
بوقت نزل خشوم ن ورفع من رداه خشوم
وخلى قيمة الرجال بين الناس برياله
صحيت وقلت للنايم بعد ماقام صح النوم
زمانك ماعطاك إلا صور وحطام تمثاله
سنين اطالع البارق وقول ان المطر محتوم
وهو ما مد لي كفه وانا ما طلت هماله
أرد اكذب على نفسي واقول ان النخل مفطوم
وهو ما بالنخل عذقي عطش ماذاق شلاله
وانا مابي من البارق هماليل ومطر وغيوم
ولو ذقت العطش بعيون طرقية ورحاله
تعلمت الصبر من كنت طفل بالمهد مزموم
إلين ان صرت رجل لا أنتخوا به طوح اعقاله
وانا ما احلف بعد عمر طويل بدفنت المرحوم
بقول الله ولا غير الله الرحمن نلجاله
ومثل ما بالمطر خوه الي من هل كوم وكوم
انا قلبي بعد يقدر يدك البيد بلحاله
واذا اسمي واصل الدنيا قبل لا القى الحياه بيوم
ابتركها وانا اسمي يضرب التاريخ بامثاله
واذا ربعي وهم ربعي تناسوا حقي المهضوم
بعيش اشره على قلبي قبل ارثي على حاله
واذا كفي طعن كفي برأس الخنجر المسموم
بعرف ان النصيب اقرب من الرجال لظلاله
مدام ان الزمن خلا الشجاع بوقتنا مهزوم
اجل خلو ضعيف النفس يقصر شره اشواله
